1487. März 14. Breslau

Johannes Miseracione divina Abbas Monasterii sancti Vincencii aput Wratislauiam Canonicorum Regularium Ordinis sancti Augustini Premonstrat. pater visitator et reformator Monasterii Sanctimonialium Ordinis predicti in Czarnowanß Universis et singulis quibus nosse fuerit opportunum Recognoscimus per presentes Quod pridem ad providorum virorum Proconsulis et Consulum ac nonnullorum aliorum de oppido Opol Wrat. dioc. delacionem Religiosum virum fratrem Johannem Heiligesimon nuncupatum presbiterum Monasterii nostri professum Prepositum Monasterii Sanctimonialium in Czarnowanß antedicti ad certos diem et horam nostris Citacionum litteris certis posicionibus et articulis ex officio nostro sibi formandis et obiciendis inedio suo Juramento personaliter Veritatem responsurum, Et alias ad videndum et audiendum contra ipsum ex officio nostro iuxta sacrorum Canonum et Ordinis nostri Statuta procedi vocari fecimus. Quo quidem termino adveniente dicta que Citacione debite executa et per Honorabilem et Scientificum virum Magistrum Benedictum Ditterich Causarum Consistorii Wrat. et Monasterii nostri predicti Sindicum et procuratorem reproducta et per Notarium nostrum publicum ut moris est lecta Predictus frater Johannes Heiligesimon prepositus coram nobis comparuit et delatores et accusalores qui ipsum accusare vellent aliquamdiu expectando. Nullo itaque accusatore apparente Nos nichilominus ipsum in presencia Reverendi et venerabilium patrum dominorum Benedicti Abbatis Monasterii sancte Marie Canonicorum Regularium Ord. s. Aug. in arena Wrat. Johannis medici Arcium liberalium Magistri, Prepositi, Nicolai Tavchan Scolastici et Officialis, et Johannis Schobir Decretorum Doctorum et Canonicorum Eccl. Wrat. certis punctis et articulis ex quadam carta delacionis ex Oppol nobis transmissa formatis respondere fecimus, qui ad singula puncta Interrogatus negative respondit seque Innocentem ac Immunem eorum in quibus nobis delatus existit fore asseruit et affirmavit. Tandem de consilio memoratorum dominorum prelatorum Omnes et singulos homines cuiuscumque status gradus seu condicionis existant eundem fratrem Johannem prepositum accusare volentes ad certos diem et horam competentes videlicet diem lune duodecimam mensis Februarii nostris Citacionum litteris vocari fecimus Ad accusandum dictum fratrem Johannem prepositum de criminibus nobis delatis, Alioquin ad videndum et audiendum sibi Canonicam Purgacionem indici et super premissis ad ulteriora per nos procedi. Dicto termino adveniente et Citacione debite executa ac per prefatum Magistrum Benedictum Ditterich Sindicum reproducta et per Notarium publicum lecta Quamquam nos in contumaciam citatorum non comparencium et accusare nolencium fratrem Johannem prepositum a crimine in quo nobis delatus existit Innocentem pronunctiare potuissemus, ne tamen in causa huiusmodi pregnanti precipitanter agere videremur, ob deliberacionem maiorem certisque aliis respectibus habitis Citacionem huiusmodi ad diem Martis terciamdecimam mensis Marcii continuavimus. Die quoque prescripta adveniente ac ipsa Citacione coram nobis relecta prelibatus magister Be-nedictas Ditterich Sindicus Citatorum non comparencium et accusare nolencium contumaciam accusavit ipsosque ab accusacione excludi petivit Quos et nos contumaces reputavimus et pronunctiavimus et ab accusando exclusimus Religiosoque viro fratri Johanni Heiligesimon predicto super criminibus quibus nobis delatus extitit et extat, ex officio nostro propter famam de persona sua exortam diem crastinum ad horam vicesimam ad purgacionem canonicam faciendam statuimus. Crastina quoque die videlicet Mercurii quarta decima mensis Marcii prescripti ad horam statutam premencionatus frater Johannes prepositus coram nobis et in presencia Reverendi patris Venerabiliumque ac Egregiorum virorum dominorum Benedicti Abbatis sancte Marie, Nicolai Tavchan Doctoris Scolastici et Officialis, Johannis Heilsberg licenciati et Johannis Schobir Doctoris Decretorum et Canonicorum Eccl. Wrat. ad sancta dei ewangelia tactis manibus scripturis sacrosanctis, quod ncque per se neque per submissam seu subordinatam personam fecisset seu commisisset ea in quibus nobis uti superiori suo delatus existit, sed eorum omnium Innocens fuisset et esset, in forma Juris corporale prestitit Juramentum. Religiosi quoque fratres Cristoforus Volmoß, Georgius Slepkogil, Laurencius Newmarkt et Mathias Polonus Canonici regulares ord. Prem. pretacti, viri probate vite fama et opinione integri, qui dicti fratris Johannis prepositi vitam et conversacionem non tam moderno tempore noverunt quam transacto, ad sancta dei ewangelia tactis manibus scripturis sacris Jurarunt se credere fratrem Johannem Heiligesimon prepositum verum iurasse. Quaquidem purgacione sic ut premittitur rite et canonice peracta Nos in causa delacionis huiusmodi ad Sentenciam diffinitivam ferendam procedendum duximus eamque ex eis que vidimus et cognovimus in scriptis tulimus sub huiusmodi tenore:
Cristi nomine invocato pro Tribunali sedentes et solum deum pre oculis habentes de consilio Reverendi et venerabilium patrum dominorum Benedicti Abbatis Monasterii sancte Marie in Arena Wrat. Canonicorum Regularium sancti Augustini, Nicolai Tavchan Scolastici doctoris, Johannis Heilsberg licenciati et Johannis Schobir doctoris decretorum et Canoni-corum Wrat. per hanc nostram Sentenciam diffinitivam dicimus decernimus declaramus et pronunctiamus Religiosum virum fratrem Johannem Heiligesimon dictum nostri monasterii professum et prepositum Monasterii Sanctimonialium in Czarnowanß in de et super articulis delatoriis contra ipsum nobis transmissis fuisse et esse Immunem et Innocentem Et ob hoc ipsum fratrem Johannem Innocentem et immunem ac virum Religiosum boni status laudabilisque vite fuisse et esse hac nostra Sentencia diffinitiva mediante.
Lecta lata et in scriptis pronunctiata est premissa Sentencia diffinitiva per nos Johannem Abbatem Monasterii S. Vincencii aput Wrat. ord. Prem. prescriptum in Stuba Domus Abbacialis nostre residencie Mercurii die pre scripta Anno domini Millesimo quadringentesimooctoagesimoseptimo presentibus Circumspectis et providis viris demente Hayniß Notario, Nicolao Heinrich et Nicolao Cunrad equitibus familiaribus nostris et Domino Michaele Banckaw Notario publico qui presencia habuit in commisso, testibus ad premissa fidedignis. In quorum omnium et singulorum premissorum fidem et testimonium Sigillum nostrum presentibus est subappensum.

Im Archiv von S. Vincenz. Mit anhangendem Siegel.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.